फागुन फैबोला । Fagun fwibwla
अ’ फागुन फैबोला
मौसुमि बारा बारबोला
सोमखोर महर लागोन
मिथिंगा बिखाया हनै नायहर
दावआ बिरथिंबायगोन
जोंबो रंजाखांगोन
अ’ फागुन फैबोला
सोनाब फैसालियाव
साना दोबैबाय
सानजा फैसालियाव
दाउफ्रा बिरलांबाय
उसु खुथु मोनबाय आंलाय
आंनि जोहोलाउआ
दाबो फैयैखाय
थमेननाय बिबारा
बारग्लांनाय बाइदि
गोसोनि बिबार आंनि
माब्ला बारगोनदि
उसु खुथु मोनबाय आंलाय
फाग्लि बाइदि मोनबाय आंलाय
गोसोनि साननाय माब्ला
जाफुंगोन दालाय।
2. नोंनो आं बेसे मिथिहोबावनो । Nwngnw ang bese mithihwbaonw
नोंनो आं बेसे मिथिहोबावनो
नोंखौ आं बेसे बुजिहोबावनो
मिथिया मानो नों
बुजिया दाबो नों हाय रजे।
ना नोङो आंखौ गोसोथोया
ना नोंनि थाखाय मोजां नङा
मिथिनानैबो बुजिनानैबो
नोङो आंजों मानो एरा एरा हाय
हाय हाय अनजालु।
बे आंनि नोजोर होनाया
बे आंनि अन्नाय जासिनाया
ओरैनोसो जाबायनामा
नोंदि दाबो आंनो
गुमुर होआ हाय
हाय हाय अनजालु।
3. सोरनि सिफुं देंखो । Swrni sifung dengkhw
सोरनि सिफुं देंखो
रिंखांदों आन्दो आन्दो
नुजाफै नों आंजों
आंबो सुजुनि नोंजों लोगोसे
खौसेथि खबाम
दा थाखोमा नों बिलाइ आन्दो आन्दो
बिफां साइखिआव फजना आंखौ अन्दो
बिलाइ आन्दोआव नोंनि साखाथियाव
सुजुदिनि दोंसे खबाम
जों सानैजों गोरोबनानै
सोरनि सिफुं देंखो
मिलौहाब देंखोआ रिंखाङो जेबोला
रिंबोनाय देंखोथिं बिरलाङो गोसोआ
आंनि गोसो बान्दो
गरम जायो नोंखौ हास्थायै
नोंनि मिलौहाबनाय देंखोजों मुहिफानानै
आंनि गोसो बान्दो
गरम जायो नोंखौ हास्थायै
नोंनि मिलौहाबनाय देंखोजों सिमब्रे फानानै।
नांगौ सानबाय लोगो हमनो
दावनाव सोंनानै, बिबारनाव सोंनानै
बिफां-लाइफांनाव सोंना
सोरनि सिफां देंखो।
4. नोंनि बे लाइमोन देहाया । Nwngni be laimwn dehaya
हौवा:-
नोंनि बे लाइमोन देहाया
नोंनि बे ददेरे महरा
गेलेबाय गुलि-गुलि
आंनि गोसो सिङाव
मोनहोबाय दोरफो दोरफो
आंनि बे गोसो सिङाव।
हिनजाव:-
नोंनि बे लाइमोन देहाया
नोंनि बे ददेरे महरा
गेलेबाय गुलि-गुलि
आंनि गोसो सिङाव
मोनहोबाय दोरफो दोरफो
आंनि बे गोसो सिङाव।
हौवा:-
बारफुनाय बिबार
समायना महर नोंनि
सारफावबाय हाइना
मेगनाव आंनि
खालामबाय आथि थानि
नोजोरखौ आंनि
हिनजाव:-
बिरग्लांनाय बाहां-बिरहां बाहां-बिरहां
सिखिरि फागोला नों
खालामबाय आख’-फाख’ आख’-फाख’
गेलेनानै आंजों नों।
हौवा:-
मिनिहां मिनिहां
राइदावहां राइदावहां
जंखायहां-जंखायहां
बोजबहां-बोजबहां
खालामबाय आंखौबो
नोंनोथ’ थांहा फैहां।
हौवा:-
नोजोरावसो दोनगोनना
गोर्बोआवसो लागोना
जाबाय आं नोंखौ सना
आंनिबे आजोला-आजोला फागोला फागोला
एवथुनाय बैसोआव।
ConversionConversion EmoticonEmoticon